Emil Cheung 張存華 - 華弟的影片

香港人今晚訓唔著啦🔥😄🇭🇰🏅️！可以見證香港人攞奧運金牌🏅️，真係一世難忘。🇭🇰香港運動員可以企上奧運舞台已經好難，上埋頒獎台難上加難。

前日喺開幕禮之後有機會同張家朗傾計。佢講到來到東京一啲壓力都無，能夠擔任持旗手好興奮🔥，對今屆賽事有信心。
我當時已經感覺到家朗好自然，好有自信。💪🏻
最後睇見家朗16強擊敗來自世界一哥霍哥尼🇮🇹，8強面對俄羅斯奧委會選手連攞6分大逆轉晉級，4強贏埋捷克🇨🇿代表，再殺入決賽贏埋金牌🏅️相信全香港市民都好似覺得發咗一場夢！而呢個夢你係永遠都會記住。

另外賽後我有問到家朗有邊個係要多謝？🙏🏻係咪要提提教練 Greg？因為家朗三年前開始跟隨Greg訓練，成績突飛猛進，另外意大利教練Maurizio加入，令體能訓練方面更有系統。
Greg上屆里約奧運帶領法國🇫🇷攞到一面銀牌，今屆攞到金牌🏅️，我問到佢係咪港隊嘅幸運星🌟！Greg話多謝團隊支持上下一心，令今次團隊可以突圍，攞到金牌🏅️！

另外我代Greg太太Olia留言同佢講，佢係一個好老公、最出色嘅教練，Greg亦多謝身處於西班牙🇪🇸嘅太太，無太太支持，佢唔會喺香港🇭🇰教港隊！

最後要多謝香港傳媒，大部份記者都逗留咗14個鐘去見證呢個歷史時刻，攰啲都冇問題！但係講真，好彩出門前有練吓嗰膊！💪🏻🔥🏅️🏆

#張家朗 #奧運冠軍 #甜蜜蜜 #張小倫 #蔡俊彥 #張家朗#東京奧運 #港台電視 #TokyoOlympics #體壇無極限 #搏盡無悔 #香港運動員加油 #團結就是力量

---